اه يادماغى على الدراسة وقرف الدراسةطيب اعمل ايه بس .... ياعم بلامذاكرة بلاوجع دماغ
طيب قولى انته خلاص زهقت من المدرسة قوى كده......بقولك انخنقت .....طيب تدفع كام واقولك
على طريقة مضمونة تخلصك منها.....الحقنى ابوس ايدك ....بص ياعم دى طريقة مجربة مية المية
1-ادخل الصف متاخر وانت رافع راسك ولا يهمك المدرس... وماله نجرب احنا هنخسر حاجة
2-تطلع علبة السجاير من جيبك حتى لومبتدخنشى وتقول للمدرس ولعلى
3-لما يجى يشوف الغياب ويوصل لاسمك قله اه دا على ماظن اسمى بس ياريت تقوله بحنان .... و ياريت ميقلش خالص ويريحنى
4-اطلع على السبورة وكانك بتقرا اللى هو كاتبه وبتفكر وقول اممم صح
5-عرف المدرسين فى المدرسة انك مش هتقدر تيجى بدرى وقلهم انهم يتاخروا شوية لحد اما سعادتك تيجى.... و ياريت يجولى البيت لوامكن
6-كل شوية تشغل نغمات المحمول وتعمل نفسك بتتكلم فيه
7-ارفع ايدك ولما يسالك المدرس فيه ايه او قول قله لا لا مفيش حاجة
8-كل شوية بصوت عالى قول لزملاتك هو فيه ريحة غريبة فى الفصل ولاانا غلطان
9-قبل الامتحانات تمثل على المدرسين انك عندك القلب والكبدة والفشة (حلوة اوى الفشة دى)علشان يحددولك الامتحان ومتقعدش تذاكر وتتعب دماغك
10-لما تنسال عن الواجب وانته مش عامله ياناصح قل للمدرس اصل انا كنت بتفرج على فلم امبارح فظيع جدا وانك احتفظتله بنسخة ليه لانه يستاهل
11-كل شوية تستاذن تروح الحمام وطبعا تشملك شوية هوا كده على ماترجع
