يا رب
أحكى لمين يا رب ..
و اشكيله أحزانى ..
رحت للشمس ..
قالتلى وقت تانى ..
رحت للقمر ..
قاللى و أنا مالى ..
و رحت للناس ..
قالولى إنت غاوى ..
ملل و زعل و شكاوى ..
~~~~~~~~~~~~~~
أحكى لمين يا رب ..
و اشكيله أحزانى ؟!
دورت كتير و ما لقيت ..
غيرك إنت يا الهى ..
كل الناس و لا عبرتنى ..
و حتى خلاّنى ..
رمونى و سابونى ..
و لا حد لقانى ..
و لا أنا لقيت حد ..
اشكيله أحزانى ..
~~~~~~~~~~~~~~~~~~
هاحكى و أقول ..
بس انت شوفلى حل ..
ده حتى الهوى ..
من أحزانى مل ..
و سابنى وحيد ..
و لا حتى عليا دل ..
و حتى الهوى ..
منى اتشل ..
~~~~~~~~~~~~~~~~~~~
أنا واقف فى الشباك ..
و هحكى طول الليل ..
بس انت ما تزهقش ..
و ما تملش منى بقا ..
أنا هاحكيلك ..
و انت شوفلى دوا ..
~~~~~~~~~~~~~~~~~~
تصدق نسيت النجوم ..
دى كتيرة قوى ..
أصبر عليا شوية ..
يمكن ألاقى الحل ..
عند نجمة مالنجوم ..
~~~~~~~~~~~~~~~~
قربت مالنجوم ..
و شكيت أحزانى ..
و مطولتش كتير ..
عشان محدش يسيبنى تانى ..
قالتلى النجوم ..
ده احنا فى عز الضهر يا بلاوى ..
~~~~~~~~~~~~~~~~~~~
و بعد ما لفيت ..
و درت و استقصيت ..
هنا برضه جيت ..
و غيرك انت ما لقيت ..
اشكيله أحزانى ..