الشعب الحبوب الطيب

السلام عليكم ورحمة الله وبركاته

اول مشاركه في الموضوع هاذكر اول سلبيه في مجتمعنا

وكلنا بنشوفها كتير في الشغل وفي الشارع

وليها بسم الله ماشاء الله مسميات كتير سميها زي ما تحب وسطه , كوسه,سلم ...الخ

هاذكر موقف حصل معايا في الشارع في مره كنت في طريقي من الجامعه للبيت كالمعتاد

وكنت في الباص كانت فيه لجنة تفتيش في الطريق والعربيات كلها واقفه

فجأه جات عربيه بصراحه شكلها فخم جدا وعدت نقطة التفتيش وبسرعه غريبه

الظابط اتنرفز وطلعت عربية الشرطه ورا العربيه دي وفعلا جبتها بصراحه فرحت جدا

وقولت في نفسي طبعا كل حاجه لها حدود القانون مش فوقه حد . الظابط شاور للي سايق العربيه بانه ينزل

وهنا المفأجاه بالنسبه ليا لاقيت اللي جوه العربيه هو اللي بيشاور للظابط ويقوله تعالي انت

وفقعلا راحله الظابط وبكل وقاحه وقدام الناس كلها يقوله انت متعرفش انا ابن مين

قاله لا ما اعرفش قاله ان ابن نائب مجلس الشعب فلان الفلاني ازاي انت توقفني

انا توقعت يكون فيه رد قوي من الظابط فوجئت بيقوله انا اسف مكنتش اعرف

اتفضل يافندم. ادي القانون اللي في خدمة الشعب واللي مش فوقيه حد( هههههه)

من وجهة نظري الحل في انهاء سلبيه زي دي جرأة المواطن ويعرف ايه اللي ليه وايه اللي عليه

سلاااااااااااااااااااااااااام

السلام عليكم

اولا شكرا علي مرورك

واللي بجد اضحكني كثيرا

بس انت مش شاركت في الموضوع ياشاعر

اتمني انك تشارك باي ايجابيه او سلبيه شوفتها في اي مكان

وبعدين ياعم خد بالك لاحسن حد يسمعك ههههههههههههههه

سلام

السلام عليكم ورحمة الله وبركاته

والله مش قدرت امسك نفسي من الضحك لما قريت ردك الجميل دا ياسندريلا


عل العموم حمد الله علي السلامه بعد الغياب الطويل دا كله


اتمني ترجعي تمتعينا بمواضيعك الجميله مره تانيه

الف شكر علي مرورك الجميل

وشكرا علي المشاركه بس انا ليا تعليق علي كلامك

ياسندريلا لاخير في امه اذا لم يكن هناك خير في شبابها

وبعدين احنا مش اتكلمنا في السياسه احنا بنتكلم في اوضاع مجتمعنا اللي احنا منه


سلام