مباشرة على الموضوع
*البنات بتحب تسمع المجاملات, رغم انه عادة مش بيعرفوا ازاى يردوا او يتصرفوا.( بنات بقى تقول ايه)
*بيحبوا يتكلموا عن شعورهم,عن الاغانى..اى حاجة بتعكس شخصيتهم ودايما بيحسوا ان اللى قدامهم مش فاهمهم (معلش بتحصل كتيير فى احسن العائلات)
*ابتسامة واحدة, تعنى الكثير عند البنات,ممكن يتصالحوا ,ينسوا هما كانوا مضايقين ليه اصلا,بتفرق معاهم اوى.
*لو البنت سمعت كلمة بحبك دى اكتر اثبات انها حلوة بالنسبة لها
*اوعى واياك تحاول تخمن مشاعر بنت.....اسألها
*لو بنت معجبة بيك وانت مش بتبادلها نفس الشعور ,لازم تبعد عنها بطريقة ظريفة..لانها مش حتغير مشاعرها وانت قدامها..
*لو عايز تعرف ازاى ممكن تسعد البنات... اقرأ قصص رومانسية.(ايوة ياعم هنخليك تتثقف)
*فيه بنات بتهتم بالمظاهر وفى بنات بتهتم بالشخصية...لكن كل البنات بيهتموا بواحد يحبهم بصدق ويهتم بيهم ويخاف عليهم.. ساعتها بقى ممكن يتنازلوا عن الشكل وحتى الشخصية..
*لو بنت قالت انها مضايقة ومبكتش ,ده معناه ان قلبها بيبكى.(خدها قاعدة)
*لو البنت معجبة بشخص ما وبص وهو بيكلمها فى عينها , لايمكن تبص فى عينه, حتبص فى اى حتة تانية....
(وللوحشين فقط نقولهم....ابسط ياعم ولا واحدة بتبصلك)
*اوعى تقول ابدا لبنت انها ملهاش لازمة (تبقى وديت نفسك فى داهية...هيستدعونى اقتلك)
*اوعى برضه تقول لبنت انها تخنت..مهما كانتالحقيقة حاول تهرب لو سالتك هو انا تخنت؟! قولها مش واخد بالى ... اى حاجة الا شوية او ايوة... (بس فيه ناس بتعوز الصراحة وبعدين لو عايزة تعرف اوى ماهى بتسأل صديقاتها.... هى بتختبرك يامان... دلعها شويتين ...)
*خلى بالك لو كنت جد زيادة عن اللزوم البنات حتطفش منك.. اغلبهم ..بس فيه بنات بتحب الجد, بس مش كتير.. على العموم متحبكهاش .. ما فيش مانع من شوية هزار ... فكها شوية يعنى.
*لو البنت معجبة بواحد وكلمها اول مرة,ممكن تعمل انه عادى.. مجرد تليفون لكن اول ما تقفل السماعة حترفعها عشان... لا يافالح مش حتكلمك... حتكلم صاحباتها تقولهم انك كلمتها علشان كده لو كلمتها تانى بعد شوية ولقيت التليفون مشغول مبروك ياعم غالبا معجبة بيك.
*على فكرة كلمة هاى او مجرد السلام, ممكن يفرق كتير اوى عند البنات.
*صاحبة البنت الانتيم, غالبا اكتر واحدة عارفة هى بتحس ايه وهاتفكر ازاى, علشان كده ممكن تسال اصحابها , عنها ..مثلا ازاى تكلمها,ازاى تصالحها, كده يعنى هى اكتر واحدة حاتسعدها...او اسال بنات.. انما نصائح الولاد للولاد دى حتوديك فى داهية.
لان مهما كان الواد دايس , برضه مابيفهمش البنات غير البنات..( واخد بالك يامان )
*على فكرة لو بنت فى صورة جماعية... اول حاجة بصت عليها, هتكون مين اللى واقفة جنب الولد اللى هى معجبة بيه...... بعد كده حتبص على نفسها علشان كده ممكن تتفرج شوية,......
ابااااااااااااااااااااااااااااااس
خلصنا
فركش
للموضوع مش ليكوا
ايه رايكوا بقى
؟؟؟؟؟؟؟؟؟؟؟؟؟؟؟؟؟؟؟؟؟؟